حتا اللبانيين ميعرفوش أصل اسم بلدهم!
والتفعيصة المنتشرة, انها تصريفة من اللبن!
..............
علاقة مصر بـ لبنان, قديمة أوي, وتلاقي اسمها داخل فـ
صيغة من حكايات ايزيس وأوزوريس!
مصر كانت بتعين حاكم لـ لبنان, من أيام الملك (سنفرو) –
أسرة رابعة!
لبنان جزء أساسي من معارك تحتمس ورمسيس, وتغريبة سنوحي!
.............
شوف بقا جدر كلمة (لبنان), من مرحلة الحرف الهيروغليفي:
رمنان/ لمنان = لبنان Lebanon
-
معناها ايه؟
-
رمنان/ لمنان = فم آمون/ حنك آمون/ البوء بتاع آمون The
mouth of Amon
..............
يعني حلاوة كلام اللبنانيين, خلت المصري القديم يوصفهم
بأجمل حاجة عنده (آمون)!
..............
تصريف الحروف, بالشقلبة (تغيير الصوت), وباللخفنة (تبديل
مكان الصوت), جزء أساسي من اللغة, أي لغة!
حرف الره بيتشقلب مع حرف اللام (كروبترا/ كلوبترا –
بطريموس/ بطليموس – سومار/ صومال)!
كمان الميم والبه, طول الوقت بيتشقلبو مع بعض, حتا فـ
كلام الشخص الواحد (جنب/ جمب)!
.............
عاوز تعرف؟ عاوز تفسر؟ .. الإجابة بسيطة أوي: إعرف مصر!
ليست هناك تعليقات:
إرسال تعليق