آدي كمان كلمة خاصة بالمصريين!
(نوبة), يعني مرة/ دور/ نصيب/ كوم/ مناوبة ..
لخ!
-
معلهش النوبة دي, عشان خاطري!
-
كل واحد له (نوبة)!
ومنها (مناب):
-
أنا مخدتش منابي!
والفلاحين بيعدو أيام سيبان الماية فـ
الترعة, عشان كل واحد يروي فـ (النوبة) بتاعته!
ومع اللاحقة (جي), تبقا (نبت-جي/ نبطشي)!
#بنتكلم_مصري
الكلمة ومعناها فـ الصورة, مش محتاجة شرح, من
مرحلة الخط الهيروغليفي:
نوب = مرة/ دور/ كل واحد/ أي واحد!
الفازة أو الزهرية, بتتنطق (نو)!
............
عندنا أكتر من خمسة وتلاتين ألف كلمة, من
جدور مرحلة الهيروغليفي, وكمان قواعد كلامنا كلها (224 قاعدة), يعني الألفاظ
والقواعد, كلهم مصري .. محدش بقا يقول علا كلامنا (عامية/ دارجة)!
............
معلهش النوبادي .. سماح النوبادي .. كلامك يا
مصر .. لك حبي وفؤادي!
ليست هناك تعليقات:
إرسال تعليق